مواقف رومانسيه رائعه هههههههههههههههههه

مره وصلني زوجي للمدرسه اللي أدرس فيها قلت له راح أشتاق لك ياحبي
قال: إنزلي إنزلي فكينا لا تروح عليك الحصه الأولى
آه بغيت أصفعه بالمسطره الطويلة اللي معاي!

@@@

وحده تقول: إشتريت لزوجي تلفون لأن اللي يستخدمة قديم، غلفته وكتبت في كرت شعر وكلام حلو
وعطيته الهدية فتح الهدية بشراسة ووجهه فيه علامات استغراب وتعجب وانا مبتسمة طلع التلفون ورمى الكرت وقال:
هذا لي!
قلت: أيوه حبيبي.
قال: شاريته بألفين وخمسمائة صدقيني ما يسوا!
{قسم بالله ذبلت إبتسامتي}:
وهو معصب يقول: أول مرة حد يهديني بهذا المبلغ لو عطيتني كاش أحسن!

@@@

وحده ملت من الروتين في حياتها جلست في الصالة هاديه وولعت شموع ونومت الأولاد وتعدلت.
جاء الزوج وريحته تفاوح دخاخين من الشيشة استقبلته وقصت له من الكيكه يوم بلع وخلص قالها الحين ليش مجلستنا بالظلام ،حشى كأنا في قبر.
بلعتها وسكتت.
قام وقالها حد ياخذ كيكة هالكبر ليش الإسراف؟ روحي قومي الأولاد ياكلون عشان ماتنكب!!
الله يغربل الرومانسية يوم انها وياك

@@@

وحده من البنات توها متزوجه وحبت تسوي حركه لزوجها تعدلت وتجهزت من مجاميعه وحطت الاضاءه هاديه وشغلت الدخان الصناعي وانتظرته لحد ماشرف ودخل وشاف الدنيا شبه مظلمه والدخاخين حاجبه الرؤيه قام يركض للصاله وجلس يناديها وهي ساكته ماترد عليه (حركات!!)
طار للمطبخ وجاب ميء وكبه عليها يحسبها مغمى عليها من الدخان

@@@

وحدة تقول أنا معلمه وعندي في البيت أوراق كثيره هنا وهناك وإذا خلصت المدرسه ألمها وأجمعها في كرتون وإذا ما أبغاها أحرقها.
المهم ما أطول عليكم .
رحت وشريت لي كتاب رومنسيات زوجيه قالك بتثقف وأصير رومنسيه حتى أعجب أبوالشباب
وأنا كنت بداية الاجازة أروح لأهلي وأطول عندهم كذا يوم وهو قاعد بالبيت
قريت في الكتاب انه إذا سافر زوجك أو تركتي البيت اكتبي بطاقات حلوه ملونه فيها عبارات جميله للزوج وحطيها بين ملابسه عشان إذا جا يلبس يقرا البطاقات ويتذكرك حتى وانتي غايبه عن عينه.
واختكم في الله سوتها.
تتوقعون إيش كانت النتيجة؟
لما رجعت البيت بعد اسبوعين لقيت البطاقات على طاولة الكمبيوتر حقي قمت ضحكت وأقول قراها بدون ما يعلمني الظاهر عجبته الحركة... زوجي كتوم جداً
قلتله ياعيوني ياحبيبي عجبتك الحركة.
قالي أي حركة لا عد ترمين أوراقك منا ومنا وأنا ألقط وراك، ليه شايفتني شغال عند أبوك!

@@@

هذي وحده من البنات تزوجت وراحت للخارج مع زوجها بعثه للدراسه له ولها.
المهم شافت الناس ورومنسيتهم قالت خل اسوي مثلهم.
.وخاصة انهم كانوا يدرسون وكل واحد فيهم وقت دراسته تختلف عن الثاني فما فيه وقت للجلسه الهاديه. فقامت يوم من الايام قبل ماتروح للمعهد قالت خل افتح نفسه شوي لما يرجع تعبان ويبغى ينام شوي
ونثرت على السرير ورود والعطورات الفواحه تفوح في الغرفه ومن ذا الحركات. قالت إذا رجع وشاف الحركات هذي اكيد بيستانس شوي...المهم يوم رجعت من المعهد شافت زوجها نايم في الصاله عاد هي استغربت وراه تارك السرير ما امبطح عليه...ويوم صحى وسألته قال الله يصلحك ناثره لي عشب على السرير وشلون انام عليه.

@@@

وحده تقول: موقف رومنسي مع زوجي العزيز كنا مسافرين برا وقاعدين نتمشى بمكان رايق وهادي ومافي احد غيرنا قام يتلفت... بعدين قال ترى مافيه الا انا وانتي، انا تحمست قلت اكيد بينتهز الفرصه عشان ياخذ راحته معاي ولا يقوللي كلمه حلوه ولا اي شي.
قال: لو قتلتك هنا والله محد بيدري عني!

@@@

وحده تبي تسوي ليله لوباقي ليله على ما قالو…وحاطه شموع وحاله يوم وصل سبع البرمبه وإلا
يقول الله يقطعك خنقتينا بثاني أكسيد الكربون.
الأخ مدرس علوم …تقول من عقبها حلفت وقلت التوبة!

@@@@

صديقتي زوجها سافر لدوره في عمله وطقتها الرومانسيه وتروح وتحط له ذيك الهديه اللي
تعبت بتغليفها وتحط له بكل بدله رساله وورد مجفف وتقعد المسكينه على أحر من الجمر تنتظر ردة
الفعل والكلام الحلو اللي بيقوله لها الا يوم جاء وعيونه تتقادح من الشرر وزعلان.. قال : وش اللي سويتيه خليتي أصحابي يتريقون علي كل ما البس بدله الا الاوراق طايحه منها قالوا وش فيك ياابو الشباب صاير كنك عامل بلديه ماغير تلقط في الاوراق والا الهديه الحمدلله اني شفتها قبل ماحد يشوفها وحطيتها في السياره ومافتحها الايوم رجع البيت.

@@@

وحدة تقول مره سويت لزوجي ليله رومانسيه
وقمنا نرقص هذيك الرقصه الي تحطين يدك ورى ظهر زوجك وهو يحط ايده ورى خصرك
وكنت منسجمه مع الجو، تخيلوا وش قال!
قال: دخيلك حكي ظهري! فوق شوي... لا لا تحت شوي...... وانا ميته من القهر
نسوان أخر زمن هههههههههههههههههههههههههههههههههه
أتمنى أن تنال اعجابكم

وحده ملت من الروتين في حياتها جلست في الصالة هاديه وولعت شموع ونومت الأولاد وتعدلت.
جاء الزوج وريحته تفاوح دخاخين من الشيشة استقبلته وقصت له من الكيكه يوم بلع وخلص قالها الحين ليش مجلستنا بالظلام ،حشى كأنا في قبر.
بلعتها وسكتت.
قام وقالها حد ياخذ كيكة هالكبر ليش الإسراف؟ روحي قومي الأولاد ياكلون عشان ماتنكب!!
الله يغربل الرومانسية يوم انها وياك
هههههههههههههه
شكرا لك احلا صقر

تعطرت صفحاتى بمرورك الرائع والمميز أخى
جنى الذى أضاء صفحاتى بحروفك الذهبيه
بارك الله فيك ولاتحرمنا من نزيف قلمك الذهبى

تشرفت بمروركم الرائع والمميز
بارك الله فيكم وجزاكم كل خير

ههههههههههههههههههههههههههههه

ايه والله كتيررر روووووووووووومنسيه هههههههههه

يسلمو على الطرح الجميل

وووووودي

» مواقف محرجه ..
» مواقف تبسم بها الرسول صلى الله عليه
» طرائف وقصص مواقف مضحكة من البدو