البريد المحشي بالدجاج

مرحبا بكل أعضاء هزك الشوق

كيف الأحوال

مر قرن على آخر طبخة حطيتها
مجمعة كم وحدة وما احصل وقت اني اعدل الصور وانزلهم

اليوم مادام عندي وقت .. ومزاج.. بنزل هذي
طبخة لذيذة خفيفة.. جتني على الايميل وطبقتها سريعا..
حرفت شوي طبعا، لأن ماكان عندي نفس المقادير.. بس طلعت حلوة ولذيذة

ياللا بلا هدرة زايدة ياتوتا.. خلنا نشوف طبقنا لهذا اليوم

المقادير

كيس بريد
دجاج مقطع مكعبات صغيرة
بصل مفروم
فليفل مقطع مربعات
ملعقة قشطة
ملعقة جبن سائل
بهارات، ملح، فلفل
بيض - بقسماط
خيار (الوصفة الاصلية فيها خس، بس ماكان عندي، وحطيت مكانه خيار)

الطريقة

نعمل الحشو، بوضع البصل في الزيت على النار حتى يذبل ثم اضافة الفليفل مع التحريك، ثم الدجاج والبهارات ونحركه بين الحين والآخر حتى ينضج
نضيف القشطة والجبن ونحركه حتى يتجانس ونرفعه من النار (ممكن اضافة المزيد من القشطة والجبن اذا ظلت الخلطة ناشفة)

ناخذ البريد، نضع كل ثنتين فوق بعض ونرقهم معا (لما نرقهم زين بيتلازقوا في بعض)
ناخذ غطاء او كوب او اي شي لنقطع به البريد على شكل دوائر

ناخذ الدوائر ونغمسها في البض ثم في البقسماط

تقلى في زيت حار، وبنشوفهم ينتفخوا كنهم خبز طالع من التنور!

بعد مانقليهم، نقصهم من النص، ونبتدي نحشي، دجاج وشريحة خيار (يعني خس)
ونصفهم في صينية

ندخلهم الفرن فقط للتسخين، لأن مادام نقلي البريد الدجاج بيبرد، أو العكس بيبرد البريد مادمنا نعمل الدجاج، فأحسن شي نرجع نسخنهم بعد الحشو
ونقدم الطبق بحذر، لان اذا ما أخذنا الحذر بيخلصوه عنا قبل ماندري

وبالعافية عليكم

يعطيك الف الف عافيه

موضوع رااائع

وجهود أروع

ننتظر مزيدكم

بشوووق