تبي تفطس ضحك تعال هون

( مدخل )

لف يمين

لف يسار

ارفع راسك شوي

نزل دقنك شووي

>>> يآآخذ صورة اربعه في سته

( مخرج )

اليوم نزلت سوق الذهب ياحصل لي موقف

طبعاً نزلت لحالي ابي اشتري هديه

وسوق الذهب ماشاء الله مليان عوايل كلهم حريم انواع واشكال

الطويله والقصيره والمربربه والدبه والنحيفه

والغبيه والذكيه >>كانه مابقى ولا عبايه ماره الا وقزهاا

اخوكم في الله في السوق ماشي في سبيل الله مغير مشغل الرادار

بعيونه مره يمين ومره يسار ومطلع مفاتيحه بيده

وجالس يتلعب فيهاا زي اللي يقول عندي سياره

المهم

لقيت محل فاضي قلت كويس خليني ادخل واختار الهديه بعيد عن الزحمه وآآخذ رآحتي

ما يمديني ادخل واسئل اليماني الا والمحل امتلاا حريم وغير كذا اللي داخله بورعانها وتاركتهم يتمددون على سراميك المحل وجالسه

فاغره بالذهب

المهم ماعجبني شي قلت خلني ادور محل ثاني

واجلس اتنحنح يعني فكولي طريق

والله ولا وحده عبرتني ياهو احم احم ولا حياه لمن تنادي

ارجع ريوس اصقع في اللي وراي الف يمين اشوف برقع نص الوجه

ادوخ وانزل راسي <<<
ويش الحل الحين

قلت مالها الا اوقف بمحلي الين الاقي مخرج منا ولا منا

شوي الا وذاك البزر عمره ماتعداا سنتين ماسك ثوبي من تحت ويشده

واناظر فيه ويضحك مدري ويش اللي شايفه في وجهي

واتنحنح وادفه برجلي زي اللي يقول يرحم امك فك ثوبي ماني فاضي لك

زاد الطين بله قام يتحظن في ركبتي فلذت كبدي

اقله فك بشويش يطالع فيني ويقول لي بابه

انقلع عني لا اني ابوك ولا حتى جاركم

ابيه يفكني ولا فيه امل كل ماحس اني احرك رجلي حضنهاا بقوه زياده

الحين ايش اسوي له

انفض رجلي بقوه واخليه يبنط بالقزاز

ولا اكبسه برجلي الثانيه واتوطاه

انا من النوع اللي ينحرج مره اذا خش في زحمه وخصوص كلهم حريم

ياورع انقلع ماني ناقصك

وكل مانزلت راسي له واناظر فيه فاكها ابتسامه وقال بابه

لا ابوك لا ابو امك اللي تاركتك تمسك في ركب خلق الله

قلت خلني اسحب عليه ولا اعطيه وجه يمكن يتركني ويدور له اب ثاني

واتركه ولا اعبره :

واتذكر ايام الصبابا يوم كنت بعمره

نزلت انا وابوي المطار نستقبل عمي

طبعاً ابوي تركني زي هذا الورع ولا هو معبرني مخليني العب بصالة المطار

مره اتزحلق من على الكراسي ومره انطنط فوق شناط خلق الله

الله يادنيا بس اخر شي خربتهاا شفت حرمه زي اومي

وانط بحثلهاا واصيح لبوي واقله بابه شوف مامه شوف مامه

والحرمه ضعيفه تقول لا ماني امك وانا اقول لا امي وامسك غطوتهاا بيدي

واجرهاا واصيح على ابوي بابه ماهي مامه عاد شفت جميع الالوان بوجه ابوي وقتها

غطوت الحرمه بيدي وهي تحاول تغطي نفسهاا وانا اضحك واقول ماهي مامه

طبعاً زوجها شال الغطوه من يدي ورماها لحرمته وشالني مع اذني ووداني لبوي

قلت في نفسي كما تدين تودان الحين ايش اخرتهاا مع الورع هذا اللي يحسبني ابوه

وانزل راسي واناظر فيه الا سعابيله واصله الارض وقليل الادب حط خشمه

بثوبي وجالس يمسح فيه

واقله ياورع وانفض رجلي بقوه طاح الورع وصاح وتناظر حرمه جنبي وتقول

حرام عليك توطيت الولد برجولك

نزلت وشالته واعطتني اياه وانا من دلاختي خذت الولد منها

لا والله الحين من جد صرت ابوه

وتقلي ياتسكته ياتطلع انت وياه برااا

مانقدر نشتري وولدك يصيح سكته ولا اطلع فيه براا الين يسكت

مدري حسيت نفسي مربية اطفال وقتهاا ولا ابوه عن طريق سوق الذهب

الولد يصيح وهاذي تصيح طلعه براا

انا سمعت كلامهاا وبطلعه براا وبغير حفاضه وبرضعه الين احصل امه

وصلت عند باب المحل بطلع خلاص وشايل الولد وسعابيله على كتفي وبرقبتي

ولا ادري ايش اللي جالس اسويه ماادري الا وحده ماسكتني مع رقبت الثوب

تقول يا الحبيب وين رايح

قلت لهاا ابد بسكت الولد وبرجع

قالت نزل ولدي يالحرامي ياالسروق وجالسه تصيح باعلى صوتهاا

قلت لها بصووت عآآلي انتي طآآلق بالثلاث >> اقرب تصريفه

عاد الحرمه سكتت وتناظر هذا صاحي او مجنون

ومشيت انا بالتكسي ونسيت سيارتي من الموقف

الله يعين بكره اروح ادور للسياره

وبـــ خـــــــــــــــــــــلآص ـــــــس

ههههههههههههههههههههههههههههههههههه
ههههههههههههههههههههههههههههه

يسلموا اخى نكت رائعه وجميله جدا

بارك الله فيك

» تعال وعش لحظة من اهوال يوم القيامة